Монгол хэлний тайлбар толь бичгээс үзэхэд “авлигал” гэсэн үг байдаггүй харин “Авлига” гэсэн үг байсан ба энэ үг нь “ёсон бусаар шунаж авсан эд юм” хэмээх тайлбартай байдаг юм байна. Харин 2006 онд батлагдсан Авлигын эсрэг Монгол Улсын хуульд “Авлига” гэдгийг төрийн албан тушаалтан эрх мэдлээ хувийн ашиг хонжоо олоход урвуулан ашиглах, бусдад давуу байдал олгох, иргэн, хуулийн этгээдээс тэрхүү хууль бус давуу байдлыг олж авах үйлдэл, эс үйлдэхгүйгээр илрэх эрхзүйн зөрчлийг хэлнэ гэж заажээ.