Уулзалтын зорилго нь аяны хүрээнд дүүргийн Иргэдийн Төлөөлөгчдийн Хурлаас баталсан тогтоол шийдвэр, ойрын үед хийх ажлын талаар иргэд сонгогчиддоо танилцуулж, оршин суугаа газрын агаарын бохирдлыг бууруулах, бусад тулгамдсан асуудлыг шийдвэрлэхэд иргэдийн оролцоог хангах тэдний санал бодлыг сонсож цаашдын үйл ажиллагаанд тусгах явдал юм.
.jpg)
Уулзалт дүүргийн 1,2 дугаар хорооны Иргэний танхимд болж Чингэлтэй дүүргийн Иргэдийн Төлөөлөгчдийн хурлын дарга Д.Бат-Эрдэнэ, Нийслэлийн ИТХ-ын Төлөөлөгч Б.Мөнхбат, дүүргийн ИТХ-ын Төлөөлөгч, 1-р хорооны Засаг дарга Н.Сайнболд, дүүргийн ИТХ-ын Төлөөлөгч С.Мөнгөнсар, дүүргийн ИТХ-ын ажлын албаны дарга Ц.Алтанцацрал, Иргэний Оролцоо Олон Нийттэй Харилцах хэлтсийн дарга Т.Уламбаяр албаны бусад хүмүүс оролцлоо.
Дүүргийн ИТХ-ын дарга Д.Бат-Эрдэнэ аяныг нээж хэлсэн үгэндээ энэхүү аян нь зөвхөн нэг сарын хугацаанд зохион байгуулагдаад өнгөрөх биш бүрэн эрхийн хугацаанд төр захиргааны байгууллага, төрийн албан хаагчид иргэдээ сонсож, тэдний санал хүсэлтийг үйл ажиллагаандаа ямагт тусгаж ажиллах болно гэдгийг цохон тэмдэглэсэн юм.
.jpg)
Нэг, хоёрдугаар хорооны “Иргэдээ сонсъё” аяны уулзалтад нийт 103 иргэн оролцож санал хүсэлтээ амаар болон бичгээр ирүүлсэн байна.
Энэхүү аяныг 2017.03.15-ны өдрийг дуустал дүүргийн хэмжээнд зохион байгуулж иргэдийн санал хүсэлтийг дараах байдлаар хүлээж авна
• 1-19 дүгээр хорооны Иргэний танхимуудаар
• Хороодын Иргэний танхимын фэйсбүүк хаяг
• Хороодын Иргэний танхимын “Та дохь Би залгая” уриатай “Мобиком”, “Жи мобайл”, “Юнител”, “Скайтел” –ын утасаар
• Хорооны “Бүтээлч саналын хайрцаг”
Иргэд та бүхэн аяндаа идэвхтэй оролцоно уу.
