Дүүргийн Иргэдийн Төлөөлөгчдийн Хурлын дарга Д.Бат-Эрдэнэ сургалтыг нээж хэлсэн үгэндээ, Нутгийн өөрөө удирдах ёсны байгууллагын гол цөм болсон Төлөөлөгчдийг чадавхжуулснаар төр иргэний хамтын ажиллагааг өргөжүүлж, “Иргэн” төвтэй төрийн тогтолцоог бэхжүүлэх ач холбогдолтойг онцлоод, нийт Төлөөлөгч, ажлын албаныханд амжилт хүссэн юм.
Хоёр өдөр үргэлжилсэн сургалтын хүрээнд “Орон нутгийн төсөв, санхүүгийн удирдлага” сэдвээр Удирдлагын академийн багш н.Отгонтуяа, “Иргэний оролцоо, иргэдтэй харилцах нь” сэдвээр сургагч багш Дархан Уул аймгийн Иргэний танхимын дарга О.Янжмаа, “Байгаль хамгаалал, газрын харилцаа” сэдвээр Нутгийн удирдлагын хүрээлэнгийн сургагч багш н.Тунгалагтуул, “Нутгийн өөрөө удирдах байгууллагын Үндсэн хуулийн ба эрхзүйн үндэс, хуралдаан, хуралдааны дэг” сэдвээр Удирдлагын академийн багш Я.Бямбаяр нар хичээл заалаа.
Сургалтын үеэр Төлөөлөгчид болон ажлын албаны ажилтнуудыг баг болгон хуваарилж, холбогдох сэдвүүдийн дагуу хэлэлцүүлэг өрнүүлэх аргачлалаар сургалт явагдсан юм.
