Дархан сумын 18 багийн ИНХ-ын анхдугаар хуралдаан энэ сарын 04-ний өдрийн өглөө 10.00 цагт товлогдсон байруудад амжилттай явагдаж дуусав. Дархан сумын ИТХ-ын Тэргүүлэгчдээс баталсан журмын дагуу хуралдааныг зохион байгуулсан ба хууль зөрчсөн үйлдэл гараагүй байна. Хуралдаанаар Багийн ИНХ-ын дарга, Тэргүүлэгчид, багийн Засаг даргад нэр дэвшигчдийг сонгож баталгаажуулсан байна.

Дархан сумын 18 багийн хэмжээнд багийн ИНХ-ын даргад 36, Багийн ИНХ-ын Тэргүүлэгчид 70, багийн Засаг даргад 36 хүн тус тус нэр дэвшин өрсөлджээ.Дархан сумын багуудын ИНХ-ын анхдугаар хуралдаанаас багийн Засаг даргад нэр дэвшигдэж, олонхийн санал авсан буюу 50-иас дээш санал авсан Засаг дарга нарыг хуулийн хүрээнд батламжлуулахаар сумын Засаг даргад уламжилсан байна. Иргэдийн саналаар сонгогдсон багийн Засаг дарга нарыг Дархан сумын Засаг дарга Б.Азжаргал батламжлан 2017.02.06-ны өдөр төрийн тамгыг нь гардуулан өгч,ажилд нь амжилт хүслээ.