Аймгийн Захирагчийн албаны дарга Э.Равжаадэлгэрэхийн хүсэлтээр өнөөдөр /2017.1.10/ Монголын сууц өмчлөгчдийн холбооны гүйцэтгэх захирал М.Галбаатар Дархан-Уул аймагт ажиллалаа. Уулзалтад аймгийн Үйлдвэрлэл, Дэд бүтэц, Хууль эрх зүйн асуудал хариуцсан орлогч Т.Ганболд, Захирагчийн албаны мэргэжилтэн, СӨХ-ийн гүйцэтгэх захиралууд оролцож харилцан санал солилцсон юм. Энэ үеэр Монгол улсын Засгийн газраас СӨХ-ийн талаар авч байгаа арга хэмжээ, СӨХ-ийн хуулинд өөрчлөлт оруулах ажлын явц, МСӨХ-ийн дэд зөвлөлийн ажлын явцын талаар Монголын сууц өмчлөгчдийн холбооны гүйцэтгэх захирал М.Галбаатар мэдээлэл хийсэн. Манай аймагт нийтдээ 35 СӨХ байдаг бөгөөд сууц өмчлөгчдийн холбоодын үйл ажиллагаа хангалтгүй явагдаж байгааг уулзалтын үеэр аймгийн удирдлагууд онцлоод цаашид хамтран ажиллаж, хяналт шалгалтыг хийн хариуцлага тооцуулахаар боллоо.