Чингэлтэй дүүргийн Иргэдийн Төлөөлөгчдийн хурлын Иргэний оролцооны хэлтсээс санаачилсан  “Ахмадын сар” аяны хүрээнд дүүргийн 9 дүгээр хорооны Иргэний танхимын ажилтан, тус хорооны Нандин-хүсэл Өрхийн эрүүл мэндийн төвтэй хамтран "ЭНГИЙНЭЭС ЭРҮҮЛ ОРШИХУЙ" сэдэвт өдөрлөг зохион байгууллаа.

Өдөрлөг 2015 оны аравдугаар сарын 23-ны өдөр 9 дүгээр хорооны иргэний танхимд боллоо. Өдөрлөгийн үеэр “Халдварт бус өвчин” сэдвээр Эрүүл мэндийн нийгмийн ажилтан Б.Мөнхбаяр хэлэлцүүлэг хийж , тус хорооны халамжийн мэргэжилтэн Х.Цэрмаа ахмад настанд олгодог нийгмийн халамжийн тусламж дэмжлэг, үйлчилгээний талаар дэлгэрэнгүй мэдээ мэдээлэл зөвлөгөө өгөх зэрэг арга хэмжээ зохион байгуулсан байна.

Түүнчлэн  9 дүгээр хорооны Иргэний танхимын ажилтан О.Батбаяр Иргэний танхим  болон Чийрэгжүүлэлтийн өрөөний өдөр тутмын үйл ажиллагааны талаар мэдээ мэдээлэл өгсөнөөс гадна   хорооны ахмадуудыг эрүүл мэндийн үзлэг шинжилгээнд хамруулжээ.