2015.10.23-ны өдөр Бага дунд боловсролын хөгжлийг дэмжих нийгэмлэгийн бүрэлдэхүүн Номгон суманд ирж ажиллан Номгон суман дахь салбар зөвлөлийн бүрэлдэхүүн, багш эцэг эхчүүд, иргэдэд Иргэний нийгмийн хөгжлийн  талаар сургалт мэдээлэл хийлээ.
БДБХДН нь Бага, дунд боловсролыг Монгол орны өвөрмөц онцлог, уламжлал - шинэчлэлд тохирохуйцаар сургууль, олон нийтийн хамтын ажиллагаа, бүтээлч санаачилга дээр түшиглэн хөгжүүлэх ажлыг төрийн ба төрийн бус байгууллагатай хамтран өрнүүлэх замаар иргэний нийгмийн чадамжийг дээшлүүлдэг ашгийн төлөө бус, нийгэмд үйлчилдэг төрийн бус байгууллага юм байна.
Тэрээр хөдөө орон нутгийн иргэний нийгмийн чадавхийг Монгол уламжлал соёлд тулгуурлан эрчимжүүлэх төслийн хүрээнд хийж байгаа ажил, ололт үр дүн, бас тохиолдож байгаа бэрхшээл, түүнийг даван туулах талаар дэлгэрэнгүй танилцуулсан юм.