"АМИН ДЭМ - ЛУУВАН" сайн үйлсийн аяны нээлт 4 сарын 2-ны өдрийн 10 цагт Залуучууд театрт боллоо. Аянд Дархан суманд үйл ажиллагаа явуулж байгаа 13 цэцэрлэг хамрагдсан бөгөөд 130 гаруй хүүхэд багачуудын төлөөлөл, 50 гаруй багш, сурган хүмүүжүүлэгчид мөн эцэг эхчүүдийн төлөөлөл оролцсон юм. Уг арга хэмжээг Дархан-Уул аймгийн МАН-ын хорооны дарга, Засаг дарга С.Насанбат нээж багш сурган хүмүүжүүлэгчид эцэг эхчүүдэд талархал илэрхийлэн баяр хүргэж, эрүүл саруул өсөн бойжиж, эх орондоо ихийг бүтээх эрдэм номтой хүн болохыг хүүхэд багачуудад хүсэн ерөөлөө.