Аймгийн иргэдийн Төлөөлөгчдийн Хурлын ээлжит тавдугаар хуралдаанаар хэлэлцэх асуудлыг аймгийн Засаг дарга Н.Лхагвадорж аймгийн ИТХ-ын дарга Г.Бат-Орхонд өнөөдөр (2025-03-31) өргөн барилаа.

Аймгийн иргэдийн Төлөөлөгчдийн Хурлын ээлжит V хуралдаанаар дараах асуудлыг хэлэлцүүлэхээр өргөн барьсан юм. Үүнд:

1.Аймгийн 2024 оны хөгжлийн жилийн төлөвлөгөөний биелэлт, үр дүнгийн тухай

2.Аймгийн 2025 оны хөгжлийн жилийн төлөвлөгөө батлуулах тухай

3.Сумдад 2025 онд цэргийн албыг биеэр дүйцүүлэн хаах иргэдийн тооны хязгаар тогтоох тухай

4.2025 онд ахуйн зориулалтаар агнах, барих амьтны тоо хэмжээг тогтоох тухай

5.Түгээмэл тархацтай болон ердийн ашигт малтмалын орд газраас иргэн, аж ахуйн нэгж байгууллага, жижиг, дунд үйлдвэрлэлийн зориулалтаар ашигласны төлбөрийн хэмжээг шинэчлэн тогтоох тухай

6.Орон нутгийн өмчийн асуудлууд

7.Түгээмэл тархацтай ашигт малтмалын хайгуулын тусгай зөвшөөрөл хүссэн өргөдөлд санал авах тухай зэрэг асуудлыг хэлэлцүүлнэ.

Маргааш буюу 2025 оны 04 дүгээр сарын 01-ний өдөр аймгийн ИТХ-ын Зөвлөлийн хуралдаанаар ээлжит V хуралдааны товыг товлон зарлана.