Аймгийн иргэдийн Төлөөлөгчдийн Хурлын Ажлын албанаас "Нийтийн сонсголын тухай хууль"-ийн 9 дүгээр зүйлийн 9.3.2 дахь заалтын дагуу хуулийн хэрэгжилтийг хангах зорилгоор төсвийн хяналтын сонсголыг "2025 оны орон нутгийн хөгжлийн сангийн төсөв" сэдвээр 2025 оны 03 дугаар сарын 28-ны өдөр зохион байгууллаа.
Сонсголд иргэд, төрийн бус байгууллагын төлөөлөл оролцсон бөгөөд сонсголыг аймгийн иргэдийн Төлөөлөгчдийн Хурлын Нарийн бичгийн дарга Э.Оюунболд даргалан явуулж, аймгийн Засаг даргын Тамгын газрын Хөрөнгө оруулалт хөгжлийн бодлого төлөвлөлтийн хэлтсийн Орон нутгийн хөгжлийн сан хариуцсан мэргэжилтэн Д.Цэнд-Аюуш, аймгийн Засаг даргын Тамгын газрын Санхүү төрийн сангийн хэлтсийн Төсвийн орлогын мэргэжилтэн Э.Ганчимэг нар мэдээлэл танилцууллаа.
Иргэд сонсголын сэдвийн хүрээнд даргалагч болон холбогдох хэлтсийн мэргэжилтнүүдээс асуулт асууж, санал хэлж мэдээлэл ойлголтыг авлаа.
