Аймгийн иргэдийн Төлөөлөгчдийн Хурлын ээлжит III хуралдаан маргааш буюу 2024 оны 12 дугаар сарын 25-ны өдөр хуралдана. Тус хуралдаанаар хэлэлцэгдэх “Иргэнд 2025 онд өмчлүүлэх газрын зориулалт, байршил хэмжээг батлах тухай” болон “Ногоон хөгжлийн бодлого-2030” бодлогын баримт бичгийн төслийг аймгийн ИТХ-ын Бүсчилсэн хөгжил, дэд бүтэц, үйлдвэрлэл, хөдөө аж ахуйн бодлогын хороо хэлэлцэж уг асуудлуудад холбогдох санал дүгнэлтээ гаргахаар ажиллаж байна.