Монгол Улсын эрчим хүчний тулгуур уурхай Багануур ХК нь 45 жилийн ойн хүрээнд 2023 оны 8-р сарын 24,25-ны өдрүүдэд судалгаанд суурилсан шийдэл, бизнес хамтын ажиллагааг хөгжүүлэх “The Future of Coal Baganuur 2023” Олон Улсын эрдэм шинжилгээний хурал, бизнес форумыг Багануур дүүрэгт анх удаа зохион байгуулж байна .
Энэхүү Олон Улсын эрдэм шинжилгээний хурлын зорилго нь оролцогч эрдэмтэн судлаачид, инженерүүд нүүрс эрчим хүч, нүүрс хими, инновацын бүтээгдэхүүн, засаглал, хот төлөвлөлт, хүрээлэн буй орчин гэх 5 сэдвийн хүрээнд илтгэл хэлэлцүүлж, мэдлэг, туршлагаа солилцоход оршино.
Уг эрдэм шинжилгээний хуралд УИХ-ын гишүүн, МУ-ын Шадар сайд С.Амарсайхан, УИХ-ын гишүүн Ц.Сандаг-Очир, дүүргийн ИТХ-ын дарга Т.Отгонболд, Засаг дарга С.Даваасүрэн, ИТХ-ын Төлөөлөгчид болон дүүргийн удирдлагууд оролцож мэндчилгээ дэвшүүлж эрдэм шинжилгээний хуралд нь амжилт хүслээ.
