Монгол Улсын Үндсэн Хуульд нэмэлт, өөрчлөлт оруулах тухай хуулийн төслийн талаар иргэд олон нийттэй хийх уулзалт, хэлэлцүүлэг өнөөдөр Баянцогт, Цээл сумдад зохион байгуулагдаж байна.

Хэлэлцүүлэгт УИХ-ын гишүүн Н.Энхболд, аймгийн ИТХ-ын дарга Ц.Жамбалсүрэн нар оролцлоо.

Уулзалтаар Үндсэн хуульд оруулах өөрчлөлт болон алсын хараа 20/50 Монгол Улсын урт хугацааны хөгжлийн бодлогын талаар УИХ-ын гишүүн Н.Энхболд иргэдэд мэдээлэл өглөө.

Монгол Улсын Үндсэн хуульд оруулах өөрчлөлтийн төсөл нь дараах үндсэн зорилготой. Үүнд: 1. Хүний эрхийн талаарх үндсэн хуулийн хамгаалалтыг бэхжүүлэх 2. Ард түмнийг төлөөлөх парламентын чадавхыг сайжруулах 3. Хөгжлийн олон төвтэй улс болох 4. 2019 оны нэмэлт, өөрчлөлтийг гүйцээх юм.

Тус хэлэлцүүлгийн үеэр иргэд, олон нийтээс гарсан санал хүсэлтийг албан ёсоор УИХ-д хүргүүлэн ажиллах юм байна.