Аймгийн гэмт хэргээс урьдчилан сэргийлэх ажлыг зохицуулах салбар зөвлөлөөс орон нутагт хууль тогтоомжийг сурталчлан хэрэгжүүлэх, гэмт хэрэг, зөрчлийг илрүүлэх, таслан зогсоох, урьдчилан сэргийлэх ажилд идэвх зүтгэл гарган үр дүнтэй ажилласан албан хаагчийг онцолдог уламжлалтай.
2022 оны ажлын үзүүлэлт, үр дүнгээрээ амжилт гарган ажилласан аймгийн Цагдаагийн газрын Мал хулгайлах гэмт хэрэгтэй тэмцэх хэсгийн эрүүгийн мөрдөгч, цагдаагийн дэслэгч Б.Алтанхуяг “2022 Оны тэргүүний хуульч ”-аар шалгарлаа.
Аймгийн хэмжээнд 2022 оны байдлаар Мал хулгайлах гэмт хэрэг 61 бүртгэгдсэнээс 50 хэргийг яллагдагчаар татаж хэргийн илрүүлэлт 82 хувьтай буюу 5,7 пунктээр өссөн үзүүлэлттэй байна.