ДҮҮРГИЙН ГЭР ХОРООЛЛЫН ХУДГААС ХАЛУУН УС ТҮГЭЭДЭГ БОЛЛОО.
Гэр хорооллын айл өрхүүдийн усны хэрэглээг хүртээмжтэй болгох зорилгоор Сургалтын задгай хэсгийн 1-р худаг, Рашаант хэсгийн 21-р худаг төвлөрсөн халуун, хүйтэн усанд холбогдлоо.
Энэхүү ажлыг Багануур-Ус ААТҮГ, Дэзэрэт ОУБ хамтын ажиллагааны хүрээнд гэр хорооллын 2 худгийг төвлөрсөн шугамд холбож, 3 худгийн гадна орчинг эрүүл ахуйн орчин үеийн стандарт шаардлагад нийцүүлэх ажлыг гүйцэтгэж, бүрэн ашиглалтад оруулан хүлээлгэн өглөө.Гэрээнд дээрх ажлын материал, тээврийн зардал болох 119,8 сая төгрөгийг Дэзэрэт ОУБ гаргаж, Багануур-Ус ААТҮГ ажиллах хүчний зардлыг дотооддоо зохион байгуулан 2 сарын хугацаанд хийж гүйцэтгэсэн юм.
