Нэгдсэн эмнэлгийн мэдээгүйжүүлэг эрчимт эмчилгээний тасгийн нарийн мэргэжлийн сувилагч Г.Бат-Эрдэнэ, түүний гэргий Төрөх тасгийн нярайн нарийн мэргэжлийн сувилагч Б.Мөнхсайхан нарт зориулан аймгийн хэмжээнд зохион байгуулсан “Сувилагч тандаа баярлалаа” халуун сэтгэлийн хандивын аяны хаалт боллоо. Хандивын аянд 36 байгууллага, хамт олон, 190 гаруй иргэн, ах дүү, найз нөхөд, ангийн хамт олон нэгдэж, тэдний чин сэтгэл, идэвх санаачлага, зүтгэлийн үр дүнд нийт 25.499.400 цугларсан байна. Аймгийн нутгийн удирдлагын байгууллагаас сувилагч хосуудад зориулан Эрүүл мэндийн ажилтнуудад зориулсан Түрээсийн байрны 2 квотын нэгд хамруулахаар шийдвэрлэж Батламж гардуулсан бол аймгийн Засаг даргын зүгээс Төрийн албан хаагчдад зориулсан Буцалтгүй тэтгэмж болох 300 мянган төгрөгийг гардуулан өглөө.