“Ашиглалтын шаардлага хангахгүй нийтийн зориулалттай орон сууцны барилгыг буулган шинээр барих үйл ажиллагааны журам”-ын хүрээнд Зуунмод суманд ашиглалтын шаардлага хангахгүй нийтийн зориулалттай орон сууцны барилгажилтын төсөл сонгон шалгаруулалтыг 6 багц байршилд зарласан билээ. Энэ хүрээнд эхний ээлжинд Хүнсний үйлдвэрийн 34, 35, 36 дугаар байрыг дахин төлөвлөн, барилгажуулах төсөл хэрэгжүүлэгчээр “Гранд мета констракшн” шалгарсан бөгөөд “Батламж”-ийг аймгийн Засаг дарга Д.Мөнхбаатар гардуулан өглөө.