Булган сумын иргэдийн Төлөөлөгчдийн Хурал /Шинэ санаа/
- Сумын иргэдийн Төлөөлөгчдийн хурлын албан ёсны цахим сайт bulgan.bulgan.khural.mn-ээр төлөөлөгчид болон иргэдэд зориулсан сургалтын 60 гаруй материалыг хүргэн ажиллаж байна.
- Хурлын хуралдаан болон тэргүүлэгчдийн хурлаар хэлэлцэх асуудлуудтай холбоотой хууль, эрх зүйн заалтуудыг тухайн хуралдаан, хурлын үеэр Төлөөлөгчдөд мэдээлэл болгон ажиллаж байна.
- Сумын ЗДТГ-ын ажилтнуудыг чадавхижуулах, хууль эрх зүйн мэдлэг боловсролыг дээшлүүлэхтэй холбоотой танхимын сургалтын 7 хоног бүрийн 1 дэх өдрийн өглөөний 08.00 цагаас явуулж эхлээд байна. 2021 оны 10 дугаар сарын 11-ний өдөр “Төрийн албан хаагч” сэдвээр, 2021 оны 10 дугаар сарын 18-ны өдөр “Төрийн албан хаагчийн ёс зүй, Ашиг сонирхлын зөрчлөөс урьдчилан сэргийлэх нь” сэдвээр сургалт зохион байгуулав. 2021 оны 10 дугаар сарын 25-ны өдрийн өглөөний сургалтыг “Харилцаа ба хандлага” сэдвээр явуулахаар төлөвлөж байна.
- Төлөөлөгч бүр 1 өрхийн амьдрал ахуйг дээшлүүлэх асуудлыг санаачилан сумын ЗДТГ-тай хамтарч судалгаа гарган, сонгогдсон 1 өрхийн амьдрал ахуйг дээшлүүлэх, холбогдох мэргэжлийн байгууллагуудтай хамтран сургалтад хамруулах, ажилтай орлоготой болгох асуудалд анхааран ажиллаж байна.
- Улс орон даяар тархаад байгаа ковид-19 цар тахалтай тэмцэхэд Төлөөлөгч бүрийн оролцоог нэмэгдүүлэх зорилгоор сайн үйлсийн аян зохион байгуулав.Аймаг, сумын хэмжээнд ковид-19 цар тахлын нөхцөл байдал өндөр, өвчлөл буурахгүй байгаа энэ хүнд цаг үед Булган сумын ИТХ-ын төлөөлөгч З.Батбагана, Д.Баярмагнай, А.Ганболд, Ш.Дуламсүрэн, Л.Ганзориг, З.Золбоохүү, Х.Баясгалан, Г.Батхуяг, Б.Солонго, Д.Баасансүрэн, Д.Бямбажаргал, Ч.Ганбаатар нарын идэвх санаачлагаар аймгийн Нэгдсэн эмнэлэг, “Эмийн цэцэглэн”, Цоожэд” ӨЭМТ-дэд нэн шаардлагатай байгаа тоног төхөөрөмж болох амьсгалын аппаратыг УИХ-ын гишүүн асан, Булган аймгийн Улаанбаатар хот дахь нутгийн зөвлөлийн дарга Э.Мөнх-Очирын дэмжлэгээр гардуулан өглөө.
- Аймгийн Засаг даргаас Булган сумын 1 өрхийн амьдрал ахуйг сайжруулах зорилгоор гэр олгох асуудлын хүрээнд “ЭБЦТС” ТӨХК-ийн удирдлагуудтай харилцан ойлголцож, тухайн айлын цахилгааны асуудлыг нийгмийн хариуцлагын хүрээнд үнэ төлбөргүй шийдвэрлэж өгөв.
Булган сумын ИТХ-ын Ажлын алба
