Мал амьтны гоц халдварт болон халдварт өвчин гарах, тархах шалтгаан нөхцөлийг хязгаарлан эрүүлжүүлэх, халдварт өвчингүй эрүүл бүсийг бий болгох, хүн амыг эрүүл аюулгүй хүнсээр, боловсруулах үйлдвэрийг чанартай түүхий эдээр хангаж, малчдын орлогын нэмэгдүүлэх “Малын эрүүл мэнд” хөтөлбөрийг Аймгийн ИТХ-ын Төлөөлөгчдийн 83.3%-ийн саналаар баталлаа.
Хөтөлбөрийг хэрэгжүүлснээр
- Гоц халдварт болон өвчнөөс сэргийлэх вакцинжуулалтанд хоёр сумын мэдрэмтгий мал, амьтныг бүрэн хамруулж эрсдлээс хамгаална.
- Мал, амьтны гоц халдварт өвчин гарсан үеийн мал эмнэлгийн бэлэн байдал хангагдаж, түргэн шуурхай байдал дээшилнэ.
- Мал, амьтны халдварт өвчнийг эрт илрүүлснээр гаралт, тархалтыг хязгаарлаж, мал сүргийг эрсдлээс хамгаална
- Мал эмнэлгийн лабораторийн чадавх сайжирч малын болон нийтийн эрүүл мэндийг хамгаалах ажилд ахиц гарна
- Малчид мал эмнэлгийн ажил үйлчилгээний талаар мэдлэгтэй болж, нийтийн эрүүл мэндийг хамгаалах талаар хүлээх үүрэг, хариуцлага нь дээшилнэ.