Чингэлтэй дүүргийн Иргэдийн Төлөөлөгчдийн Хурлаас 6 дугаар сарыг, Нийгмийн халамжийн тухай хууль сурталчлан таниулах сар болгон зарласантай холбогдуулан дүүргийн 11 дүгээр хорооны Иргэний танхимын ажилтнаас санаачлан “Хөдөлмөр эрхлэлт ба Нийгмийн халамж” сэдэвт үйл ажиллагааг Хөдөлмөр, халамжийн үйлчилгээний хэлтсийн 11 дүгээр хороо хариуцсан мэргэжилтэн Б.Саруулзаяатай хамтран зургаадугаар сарын 19-ний өдөр тус хорооны Иргэний танхимд зохион байгууллаа. 
Үйл ажиллагааг хорооны Засаг дарга Д.Уянга нээж, Хөдөлмөр, халамжийн үйлчилгээний хэлтсийн 11 дүгээр хороо хариуцсан мэргэжилтэн Б.Саруулзаяа Хөдөлмөр, халамжийн үйлчилгээнээс иргэдэд үзүүлэх  68 төрлийн тэтгэвэр тэтгэмж, тусламж дэмжлэгийн талаар, Ажлын байрны шилжилт хөдөлгөөн, ажилд зуучлал хариуцсан мэргэжилтэн Б.Анхбаяр зарлагдаж буй төсөл хөтөлбөр, ажлын байрны зарын талаар тус тус мэдээлэл хийв.