Чингэлтэй дүүргийн Иргэдийн Төлөөлөгчдийн Хурлын дарга Д.Бат-Эрдэнэ үйл ажиллагааг нээж, дүүргийнхээ 0-18 насны 70 гаруй мянган хүүхдийн шүд, амны хөндийг эрүүл байлгах, эрүүл мэндийн тусламж, үйлчилгээ үзүүлэх замаар аливаа өвчнөөс урьдчилан сэргийлэх мэдлэг олгох, эрүүл мэндээ хамгаалах идэвх санаачлагыг өрнүүлж, иргэдийн оролцоог хангах зорилгоор энэхүү аяныг 04 дүгээр сарын 17-ны өдрөөс тавдугаар сарын 06-ны өдрүүдэд Чингэлтэй дүүргийн 19 хорооны иргэдэд зохион байгуулах тухай танилцуулсан юм.
Мөн үеэр дүүргийн хэмжээнд хүүхдийн шүдний өвчлөлийн талаарх мэдээллийг дүүргийн ЭМТ-ийн Төсөл, хөтөлбөрийн зохицуулагч Г.Эрболд танилцууллаа. Аяны хүрээнд батлагдсан хөтөлбөр, хуваарийн дагуу 1-19 дүгээр хорооны иргэдэд дүүргийн ИТХ, ЭМТ-өөс үйл ажиллагааны талаар мэдээлэл хийх, хүүхдэд шүдний нарийн мэргэжлийн эмчийн урьдчилан сэргийлэх үзлэг хийх, Үзлэгийн дэвтэр тараах, сургалт зохион байгуулах, дүүргийн Эрүүл мэндийн нэгдэлд амбулаторийн тусламж үйлчилгээ, оношлогоо шинжилгээнд хамруулах ажлыг тус тус зохион байгуулна.
