БНСУ-ын Гёнги аймагт “зуу настныг дэмжих хөтөлбөр” хэрэгжиж байна. Тус улсад 100 настай буурал энгийн үзэгдэл гэв. БНСУ-ын Ерөнхийлөгчийн мөрийн хөтөлбөрт : “Ахмадууд 100 наслах болсон өнөө цагт тохирсон насан туршийн боловсролын тогтолцоог бий болгож ,ард иргэд бүгд хэзээ ч, хаана ч нас харгалзахгүйгээр хүссэн сургалтандаа хамрагдах боломжтой болно” гэж заасан байдаг. Аймаг,сум, хот бүрт байрлах насан туршийн боловсролын төвд ахмадууд анхан шатны компьютерийн сургалт, сэтгэл зүй, иог, зэрэг бүх төрлийн сургалтыг үнэ төлбөргүй зохион байгуулдаг аж. Солонгос улсад аль ч газар ахмадууд сурч, хөдөлмөрлөх боломжийг төрийн бодлогоор дэмжсэн байна. Түүнчлэн НТБ-ыг дэмжих гуравдугаар үндсэн төлөвлөгөө/ 2013-2017 / оны алсын харааг 100 настны эрин үед бүтээлч насан туршийн боловсрол / НТБ/ -ыг хэрэгжүүлснээр ард түмний аз жаргалыг цогцлооно гэж томъёолжээ.
