Хүүхдийг гэмт хэрэг, зам тээврийн осол, зөрчлөөс урьдчилан сэргийлье уриан дор Дархан сумын сургуулийн өмнөх болон ерөнхий боловсролын сургуулийн нийгмийн ажилтнууд, Дархан сумын багуудын нийгмийн ажилтнуудын хамтарсан уулзалт ярилцлагыг 2018.08.28-ны өдөр Дархан сумын ЗДТГ-ын хурлын танхимд зохион байгууллаа. Энэхүү уулзалт ярилцлагыг Цагдаагийн газрын Замын цагдаагийн тасгийн хамт олон санаачлан Дархан сумын ГХУСАЗСЗ-ийн гишүүд, Цагдаагийн газрын НХЖХТ-ийн хамт олон дэмжин оролцсон юм.
Уулзалт ярилцлагад Дархан сумын ГХУСАЗСЗ-ийн гишүүд, тухайлбал, ЦГ-ын НХЖХТ-ийн дарга дэд хүрандаа С.Сүхбаатар, зөвлөлийн гишүүн Дархан сумын ЗДТГ-ын мэргэжилтэн С.Дарьцэцэг, ЦГ-ын урьдчилан сэргийлэх ажил хариуцсан ахлах байцаагч дэд хурандаа Д.Гэрэлмаа, гэр бүлийн хүчирхийлэл, хүүхдийн гэмт хэргээс урьдчилан сэргийлэх ажил хариуцсан мэргэжилтэн ахмад Б.Уранцацрал, ЗЦТ-ын ахлах байцаагч ахмад Б.Өнөрбат, ахлах дэслэгч Л.Нармандах нар оролцлоо.
Уулзалт ярилцлагаар бага насны хүүхдийг тээврийн хэрэгслээр тээвэрлэх, тэднийг зам тээврийн осол, зөрчлөөс урьдчилан сэргийлэх асуудлаар ЗЦТ-ын ахлах байцаагч ахмад Б.Өнөрбат, ахлах дэслэгч Л.Нармандах нар мэдээлэл хийв. Мөн насанд хүрээгүй хүмүүсийн үйлдсэн гэмт хэрэг, хүүхдийг гэмт хэрэг, зөрчлөөс урьдчилан сэргийлэх асуудлаар ЦГ-ын урьдчилан сэргийлэх асуудал хариуцсан ахлах байцаагч дэд хурандаа Д.Гэрэлмаа, гэр бүлийн хүчирхийлэл, хүүхдийн гэмт хэргээс урьдчилан сэргийлэх ажил хариуцсан мэргэжилтэн ахмад Б.Уранцацрал нар мэдээлэл хийлээ.
Хүүхдийг гэмт хэрэг, зам тээврийн осол зөрчлөөс урьдчилан сэргийлэх талаар цаашид ямар ажлыг зохион байгуулбал илүү үр дүнд хүрэх талаар сургуулийн өмнөх болон ерөнхий боловсролын байгууллагын нийгмийн ажилтнууд, Дархан сумын багуудын нийгмийн ажилтнуудын санал бодлыг сонсож, холбогдох асуудлуудыг аймаг, сумын Засаг дарга нарт тавьж шийдвэрлүүлэх юм.
