2018. 7. 6

Буриад зоны дуут бүжиг “ЁОХОР” –оор дамжуулан залуу хойч үед соёлын биет бус өвийн мэдлэг, ойлголтыг өгөх, Ёохор бүжгийг уламжлалт хэлбэрээр ахмад үеэс залуу хойч үед өвлүүлэн уламжлахад орон нутгийн иргэд, холбогдох албан тушаалтны оролцоог тодорхойлох, Ёохор бүжгийн нутаг нутгийн хувилбар, дууны урын сангийн судалгаанд хэрэглэгдэхүүн цуглуулж, соёлын өвийн улсын нэгдсэн бүртгэл мэдээллийн санд хадгалах зорилготой “ЁОХОР БҮЖГИЙН ӨНӨӨГИЙН БАЙДАЛ, ХЭТИЙН ТӨЛВИЙГ ТОДОРХОЙЛОХ НЬ” сэдэвт эрдэм шинжилгээний хурал, хэлэлцүүлэг, судалгааны ажлыг сумын ИТХурал, Соёлын өвийн үндэсний төв, СУИС-тай хамтран зохион байгууллаа.   

                        Илтгэлийн сэдэв:

·         соёлын өвийн үндэсний төвийн сөунбм дахь соёлын биет бус өвийн бүртгэл мэдээлэл – батширээт сумын жижээн дээр /Ж.Насанжаргал –соёлын өвийн бүртгэл, судалгааны газрын мэргэжилтэн/

·         монголын үндэсний язгуур бүжгийн төрөл зүйл, онцлог /Ш.Эрдэнэцэцэг – СУИС-ийн соёл урлаг судлалын хүрээлэнгийн захирал/

·         ёохор бүжгийн уламжлал, түүний өнгөрсөн, өнөө, ирээдүй /Ц.Цолмон – соёлын өвийн үндэсний төвийн мэргэжилтэн/

Ёохор бүжгийн чиг хандлагыг тодорхойлох нь сэдэвт хэлэлцүүлэгт иргэд идэвхтэй оролцож дараа дараагийн “Ёохор” наадмыг зохион байгуулахдаа тусгаж ажиллах нилээдгүй саналыг сум орон нутаг, соёлын өвийн үндэсний төвийн хамт олонд уламжиллаа.