Дархан сумын Малчин баг нутгийн удирдлагын сэтгүүлд “ Сэтгэл, хүсэл зорилгоо нэгтгэсэн малчингийнхан” нэрийн дор тус сумын 2017 онд хийсэн онцлох ажлууд болон 2018 оны 1 дүгээр улиралд иргэдтэйгээ хийсэн уулзалт, зөвлөгөөний шийдвэрүүдийн хэрэгжилт, төлөвлөж хэрэгжүүлж буй үйл ажиллагааны талаар дэлгэрэнгүй дурьджээ. Мөн төр иргэний холбоог бэхжүүлэх, төр засгийн бодлогыг иргэдэд үнэн зөв хүргэх, иргэдийнхээ дуу хоолойг төрд дуулгах, биелүүлэх үүргээ ямагт тэргүүнд тавьдаг, иргэдтэйгээ амьд холбоотой ажиллаж, тэднийхээ тавьсан аливаа асуудлыг ажил хэрэг болгохын шийдвэрлэхийн төлөө хичээн ажиллаж байна хэмээн Малчин багийн удирдлагуудыг сайшааж байна.
