Дархан сумын 15 дугаар баг 8 мянга гаруй хүн амтай. Тус багт энэ сарын 22-24-ний өдрүүдэд “Бид хамтдаа” аян өрнөж байна. Аяныг аймгийн ИТХ-ын төлөөлөгч С.Ганзориг, З.Бадрал, Д.Батбаяр нар санаачилсан бөгөөд Хөдөлмөр, халамж үйлчилгээний газар, Эрүүл мэндийн газар, Эрүүл мэнд, нийгмийн даатгалын хэлтэс, Улаан загалмайн хороо зэрэг төрийн болон төрийн бус байгууллагууд хамтран зохион байгуулж байгаа юм.
Аяны хүрээнд өндөр настнууд, эрүүл мэндийн эрсдэлтэй болон эмзэг зорилтот бүлгийн иргэдэд эрүүл мэндийн үнэ төлбөргүй үзлэг, нийгмийн халамжийн тусламж үйлчилгээг үзүүлэх аж.
Түүнчлэн ажил хөдөлмөргүй 30 иргэнийг түр ажлын байраар ханган үерийн далан, суваг шуудууг цэвэрлэх ажлыг зохион байгуулж байна.
