Нийгмийн даатгалын хууль тогтоомж, үйл ажиллагааг сурталчлах өдөрлөгийг Нийгмийн даатгалын хэлсийн мэргэжилтнүүд сумын соёлын төвд зохион байгуулсан байна. Өдөрлөгийн арга хэмжээнд 4 багийн 200 гаруй иргэд оролцсон бөгөөд нийгмийн даатгалын байцаагч С.Урангоо Нийгмийн даатгалын хууль тогтоомжийн өөрчлөлт, Даатгалд  хамрагдахын ач холбогдол болон малчны тэтгэвэрийн талаар мэдээлэл хийжээ. Энэ үеэр сайн дурын даатгалд 6 иргэн, эрүүл мэндийн даатгалд 10 иргэн хамрагдсан бөгөөд 2 иргэний тэтгэврийн материал хүлээн авч, малчны тэтгэвэрт гарах насыг хуулинд заасны дагуу тэтгэвэрт гарах нас нь болсон 20 иргэний бичиг баримттай танилцан зөвлөгөө өгч ажилласан байна.

Өндөрширээт сумын хэмжээнд 221 тэтгэвэрийн насны иргэн, тэжээгчээ алдсаны тэтгэмж авдаг 9 иргэн, хөгжлийн бэрхшээлтэй иргэний тэтгэмж авдаг 40 иргэн байдаг бөгөөд Нийгмийн даатгалын сайн дурын даатгалд 2018 онд 4 сарын байдлаар 85 иргэн даатгуулжээ. Иргэд даатгуулагчдаас нийгмийн даатгалын байгууллагын үйл ажиллагаатай холбоотой сэтгэл ханамжийн судалгаа авсан бөгөөд судалгаанд 50 иргэн хамрагдсаны 45 иргэн буюу 90% нь сэтгэл ханамжтай гэсэн хариуг өгсөн байна.