Дүүргийн ИТХ-ын дарга Д.Бат-Эрдэнэ ажлын хэсгийн бүрэлдэхүүнд ИТХ-ын бүтэц, үйл ажиллагааны талаар товч танилцуулж бүрэн эрхийнхээ хугацаанд 19 хороодын иргэдийн Нийтийн Хурлын дарга, Иргэний танхимын ажилтнуудын ажиллах орчин нөхцөлийг сайжруулж өрөө тасалгаа, тавилга эд хогшил, техник тоног төхөөрөмжөөр хангаж, Иргэдийн Нийтийн Хурлын дарга нарт ИТХ-ын төсвөөс нийтдээ 430 гаруй мянган төгрөгийн урамшуулал, ИНХ-ын дарга Иргэний танхимын ажилтнуудад бичиг хэргийн зардал нийтдээ 50000 төгрөгийг тус тус олгодог болсон, Дүүргийн Гэмт хэргээс урьдчилан сэргийлэх ажлыг зохицуулах салбар зөвлөлөөс 19 хороонд гудамж байрны 700 гаруй нийтийн эргүүл ажиллуулж, урамшууллын хэмжээг үе шаттайгаар нэмэгдүүлж, жилд 2 удаа сургалт арга зүйгээр хангаж ажилладаг гэх мэт онцлох ажлууд нь Нутгийн өөрөө удирдах ёсны байгууллагын анхан шатны нэгжийг бэхжүүлэхэд шат ахьсан ажил болсон гэдгийг цохон тэмдэглэсэн юм.
Ажлын хэсгийн бүрэлдэхүүн Захиргааны ерөнхий хууль, Төрийн албаны тухай хууль, Шилэн дансны тухай хууль, Гэмт хэргээс урьдчилан сэргийлэх тухай хууль тогтоомжийн хэрэгжилтийг хэрхэн зохион байгуулж байгаа чиглэлээр хийгдсэн ажлын тайлантай тус бүр танилцаж ажилтнуудад мэргэжил арга зүйн зөвлөгөө өгч ажиллалаа.
