Аймгийн Засаг даргын 2016-2020 оны үйл ажиллагааны мөрийн хөтөлбөр, эдийн засаг, нийгмийг 2018 онд хөгжүүлэх үндсэн чиглэлд тусгасан Нүүдлийн амбулаторийн үзлэг оношилгоог сумдад хүргэх, алслагдсан хөдөө, орон нутгийн иргэдэд эмнэлгийн нарийн мэргэжлийн тусламж үйлчилгээг үзүүлэх зорилгоор энэ онд зохион байгуулж буй “Нүүдлийн амбулатор”-ийн үзлэг, оношилгоо Заамар сумын иргэдэд хүрч байна. Үзлэгийн эхний өдөр доторын үзлэгт 42 иргэн, шүдний үзлэгт 32 иргэн, эхо үзлэгт 60 иргэн, арьс харшилын үзлэгт 18 иргэн, мэс засалд 30 иргэн, эмэгтэйчүүдийн үзлэгт 35 иргэн хамрагдсан бөгөөд лабораторийн 93 шинжилгээг 310 төрлөөр авч нийт 181 иргэнд үйлчилжээ.
