Дундговь аймгийн  хүн амын эрүүл аж төрөх байдлыг хангах,нийгмийн эрүүл мэндийн тусламж үйлчилгээг тогтвортой хөгжүүлэх зорилгоор 2018 оныг Дундговь аймаг Эрүүл мэндийг дэмжих жил болгон зарласан. Өнөөдөр "Эрүүл мэндийг дэмжих жил"-ийн ажлын нээлтийг зохион байгууллаа.
Эрүүл мэндийг дэмжих жилийн хүрээнд салбар дундын байгууллагуудын оролцоог хангах тэдгээртэй хамтран хүн ам, нийгмийн эрүүл мэндэд чиглэсэн олон үйл ажиллагааг зохион байгуулахаар төлөвлөжээ. Жилийн хүрээнд эрүүл иргэнтэй "Дундговь дэд хөтөлбөр"-ийг боловсруулж хэрэгжүүлэх юм. Мөн түүнчлэн эрүүл мэндийг дэмжигч сум, байгууллага, иргэн гэхчилэн шалгаруулж иргэдийн оролцоог хангахын зэрэгцээ малчид болон иргэдийг эрүүл мэндийн урьдчилан сэргийлэх үзлэг, оношлогоонд үе шаттайгаар хамруулах, эрүүл мэндийн зөв хэвшлийг төлөвшүүлэх, эрүүл мэндийн тусламж үйлчилгээний чанар хүртээмжийг нэмэгдүүлхэд анхаарч ажиллана.