Мөнххайрхан сумын ИТХ-ын Тэргүүлэгчдийн 2014 оны 6 дугаар сарын 23-ны өдрийн 31 дүгээр тогтоолоор сумын сүлд "Уулсын хаан Мөнххайрхан" дууг сумын сүлд дуугаар баталсан билээ. Уг дууны шүлгийг Монгол улсын Соёлын гавьяат зүтгэлтэн, яруу найрагч С.Оюун, аялгууг Монгол улсын гавьяат жүжигчин, хөгжмийн зохиогч М.Булган зохиож, Монгол улсын Соёлын тэргүүний ажилтан, ДБЭТ-ын дуучин О.Хүрэлбаатар дуулсан юм.