Хуралд хорооны дарга Н.Оюунцэцэг, гишүүн Д.Бат-Эрдэнэ, Л.Баярсайхан, Б.Батхуяг, Н.Сайнболд, Д.Мөнхбат, Ц.Бугасүрэн, ЗДТГ-ын Тамгын газрын дарга А.Дамцагдорж, Санхүү төрийн сангийн хэлтэсийн дарга Ж.Орхонбаяр бусад алба хэлтэсийн дарга нар оролцлоо.
Хурлаар дүүргийн эдийн засаг, нийгмийг 2017 онд хөгжүүлэх үндсэн чиглэлийн “Жаргалтай орчин-Ногоон хөгжил” бүлгийн зорилтуудын хэрэгжилт, “Дүүргийн эдийн засаг,нийгмийг 2018 онд хөгжүүлэх үндсэн чиглэл”-ийн төслийг ЗДТГ-ын Тамгын газрын дарга А.Дамцагдорж, Санхүү төрийн сангийн хэлтэсийн дарга Ж.Орхонбаяр нар танилцуулж хорооны гишүүдийн асуултад нэмэлт мэдээлэл өгөв.
Эдийн засаг, төсвийн хорооны гишүүд мэдээлэлтэй танилцсаны дараа цаашид анхаарч ажиллах асуудлуудад саналаа хэлж, дүүргийн эдийн засаг, нийгмийг 2017 онд хөгжүүлэх үндсэн чиглэлийн “Жаргалтай орчин-Ногоон хөгжил” бүлгийн зорилтуудын хэрэгжилтийг “Бүрэн хангалттай“ гэж дүгнээд “Дүүргийн эдийн засаг, нийгмийг 2018 онд хөгжүүлэх үндсэн чиглэл”-ийн төслийг дүүргийн Иргэдийн Төлөөлөгчдийн хурлын ээлжит хуралдаанаар хэлэлцүүлэхийг дэмжив.
