Хуралд хорооны дарга С.Мөнгөнсар, гишүүд Б.Батхуяг, Ж.Лхагвасүрэн, С.Отгонсүрэн, Ш.Батсүрэн, ИТХ-ын МАН-ын бүлгийн дарга Тэргүүлэгч С.Амарбаясгалан, Тэргүүлэгч Х.Алтаншагай, Төлөөлөгч Т.Идэрцагаан, Д.Баянбат, Л.Ариунтуяа, Б.Насанбат, ЗД-ын дэргэдэх болон ЗДТГ-ын зарим хэлтэс албадын дарга, мэргэжилтэн оролцлоо.
Хурлаар дүүргийн эдийн засаг, нийгмийг хөгжүүлэх үндсэн чиглэлийн эрхлэх асуудлын хүрээнд ЗДТГ-ын Санхүү, төрийн сангийн хэлтсийн мэдээллийг сонсон Худалдан авах ажиллагааны алба, Дотоод Аудитын алба, Татварын хэлтэс, Боловсролын хэлтэс, Хүүхэд, гэр бүл, залуучуудын хөгжлийн хэлтэс, Хүүхдийн номын өргөө, Биеийн тамир спорт хороо, “Ногоон булан” ахмадын амралтын газар ОНӨААТҮГ зэрэг хэлтэс, албадын үйл ажиллагаа болон төсвийн гүйцэтгэлийг хэлэлцлэн цаашид анхаарч ажиллах зарим асуудлуудад гишүүд, Төлөөлөгчид санал хэллээ.
Дүүргийн эдийн засаг, нийгмийг 2017 онд хөгжүүлэх үндсэн чиглэлийн “Жаргалтай ирээдүй-эдийн засгийн хөгжил” бүлгийн зорилтын хэрэгжилтийг Хурлын хорооны гишүүд хуралд оролцсон гишүүдийн 100 хувийн саналаар “ХАНГАЛТТАЙ” дүгнээд, дүүргийн эдийн засаг, нийгмийг 2018 онд хөгжүүлэх үндсэн чиглэлийн төслийг Иргэдийн Төлөөлөгчдийн Хурлын ээлжит хуралдаанаар хэлэлцүүлэхийг гишүүдийн 100 хувийн саналаар дэмжив.
ИРГЭДИЙН ТӨЛӨӨЛӨГЧДИЙН ХУРЛЫН ТӨСВИЙН ЗАРЦУУЛАЛТЫН ХЯНАЛТЫН ХОРОО
