Мөнххайрхан сум үүсч хөгжсөний түүхт 90 жилийн ойг 7-р сарын 21-23-ны өдрүүдэд ёслол төгөлдөр тэмдэглэн өнгөрүүлэв. Ойн баяр наадмаар эрийн гурван наадам урианхай сур харваж, хурдан морь уралдаж, хүчит бөхчүүд барилдаж, хүндэтгэлийн концерт  тоглов. Ойн баяр наадмын үйл ажиллагааг  нутгийн хүү Ш.Адьшаа ивээн тэтгэж ТV9 телевизээр орон даяар шууд дамжуулав. Мөнххайрханчууд ой угтсан олон чухал бүтээлч ажил өрнүүлэн хийж, айл өрх,  баг, албан байгууллага бүр ажлын амжилт дүүрэн, ойгоо ёслол төгөлдөр сайхан тэмдэглэлээ.