Арга хэмжээнд тус хорооны Төлөөлөгч, Иргэдийн нийтийн Хурлын дарга бөгөөд 7 дугаар хорооны Гэмт хэргээс урьдчилан сэргийлэх багийн дарга Д.Баянбат, дүүргийн Прокурорын газрын Захиргааны зөрчлийн хянан шийдвэрлэх хяналт тавих прокурор Х.Даваадулам, Цагдаагийн 1 дүгээр хэлтсийн урьдчилан сэргийлэх ахлах байцаагч, Цагдаагийн хошууч Ю.Баяр-Эрдэнэ, 7 дугаар хорооны хэсгийн байцаагч, Цагдаагийн дэслэгч Б.Батболд нар оролцов.
Мансууруулах бодис, эмийн хүний бие сэтгэцэд нөлөөлөх хор нөлөө, хараат байдлын нөлөөлөл, мансууруулах бодисын төрлүүд, мансууруулах бодисын буруу ойлголтыг засах сэдвээр Цагдаагийн 1 дүгээр хэлтсийн урьдчилан сэргийлэх ахлах байцаагч, Цагдаагийн хошууч Ю.Баяр-Эрдэнэ, Хар тамхи мансууруулах бодисын талаар ойлголт, мансууруулах бодисын гэмт хэргийг шүүхэд шийдвэрлэсэн байдал, мансуурсан үед хийх гэмт хэргийн талаар Прокурорын газрын Захиргааны зөрчлийн хянан шийдвэрлэх хяналт тавих прокурор Х.Даваадулам нар тус тус илтгэл, мэдээлэл өгч сурагчдаас гаргасан асуултад дэлгэрэнгүй хариулт өглөө.
Мөн үеэр 7 дугаар хорооны хэсгийн байцаагч, Цагдаагийн дэслэгч Б.Батболд сурагчдад гэмт хэргээс урьдчилан сэргийлэх, өсвөр насны хүүхдүүдийн нийтлэг холбогддог гэмт хэргүүдийн талаар мэдээлэл өгсөн юм.
