Хэрэглэгчийн эрхийг хамгаалах үндэсний хөтөлбөрийн хүрээнд “Эрүүл хүнс-эрүүл Монгол хүн” сэдэвт мэргэжлийн худалдагчийн ур чадварын тэмцээн өнөөдөр /2017.10.19/ Апполло трейд компанийн байранд нээлтээ хийлээ. Иргэн бүрийн эрх ашгийг хэрэглэгчийнх нь хувьд хамгаалахад шаардлагатай эрх зүйн орчны оновчтой тогтолцоог бүрдүүлэх, зах зээлд бараа ажил үйлчилгээ нийлүүлэгчийн нийгмийн хариуцлагыг дээшлүүлэх ухаалаг хэрэглээг төлөвшүүлэх зорилготой явагдаж байгаа тус тэмцээнд 17-н байгууллагын 19-н худалдагч оролцож байна. Тэмцээнийг аймгийн ЗДТГ, Мэргэжлийн хяналтын газар, Стандарт хэмжилзүйн хэлтэс, Хүнс хөдөө аж ахуйн газрууд хамтран зохион явуулж байгаа бөгөөд 60 минут үргэлжлэх ажээ.