Чингэлтэй дүүргийн Иргэдийн Төлөөлөгчдийн Хурлын дарга Д.Бат-Эрдэнэ өнөөдөр  дүүргийн 12 дугаар хорооны “Шэжид дүг” өрхийн эмнэлгийн үйл ажиллагаатай газар дээр нь очиж танилцсан юм. 

Энэ үеэр Өрхийн эмнэлгийн дарга н.Цэрэндолгор ИТХ-ын даргад ажлаа танилцуулж, тулгамдаж буй асуудлаа ярилцан санал солилцлоо. 
ИТХ-ын дарга Д.Бат-Эрдэнэ өрхийн эмнэлгийн үйл ажиллагаатай танилцаад тус эмнэлгийн эмчилгээ, үйлчилгээг сайжруулах, мэргэшсэн эмч, чадвартай боловсон хүчин хэрэгтэй гэдгийг онцгойлон анхааруулаад өрхийн эмнэлгийн гадна талын тохижилтыг сайжруулахыг үүрэг болгов. 
Дүүргийн төсвийн хөрөнгөөр баригдсан энэхүү жишиг өрхийн эмнэлэгийн тоног төхөөрөмж суурилуулах ажил явагдаж байгаа бөгөөд удахгүй нээлтээ хийх юм байна.