Аймгийн Нийтийн аж ахуй үйлчилгээний газар өнгөрсөн амралтын өдөр Дархан сумын 10 дугаар багт Нээлттэй хаалганы өдөрлөгийг явууллаа. Урин дулаан цаг ирж буйтай холбогдуулан хороолол доторх хог хаягдал ихсэж байгаа учраас тус газрын хамт олон 10 дугаар багийг сонгож 32 м3 хогийг цэвэрлэж 20 ширхэг хогийн савыг өөрсдийн хөрөнгөөр будаж иргэдэд хүлээлгэн өгсөн байна.

Ингэснээр төрийн үйлчилгээг иргэдэд ойртуулж хороолол доторх хог хаягдлыг цэвэрлэн ая тухтай орчинг бүрдүүлж чадсан юм. Харин иргэд үүргээ ухамсарлаж хог хаягдлаа зориулалтын саванд хийж орчноо цэвэр цэмцгэр байлгахад өөрсдийн хувь нэмэр оруулах хэрэгтэй байна. Ингэснээр бид ая тухтай цэвэр тохилог орчинд аж төрөх боломж бүрдэх учиртай. Хотын соёл иргэн танаас эхэлнэ.