Аймгийн ИТХ-ын ээлжит V хуралдаанаар аймгийн Тэргүүлэгчдийн бүрэлдэхүүнд орж төлөөлөгч Ц.Батхуяг, Д.Өсөхбаяр, Д.Ганболд нар олонхийн саналаар сонгогдлоо.

     Гэр бүлийн хэрэгцээний зориулалтаар газар авах иргэдийн өргөдлийг хуучнаар тухайн жилд нь шийдвэрлэдэг байсан бол 2008 оноос хойш газрын нөөцгүйн улмаас иргэдийн өргөдөл хүлээгдэж эхэлсэн.

        Аймгийн хэмжээнд 2022 онд иргэдэд гэр бүлийн хэрэгцээний зориулалтаар үнэгүй өмчлүүлэх газрын байршил, хэмжээг тогтоож ИТХ-аар батлав. 2022 онд Орхон аймгийн хоёр сумын 16 багийн 583 иргэнд нийт 45,2 га талбайг өмчлүүлнэ. Үүнд 12,9 га талбай нь одоо эзэмшиж байгаа газрыг нь  өмчлүүлэх, харин 32,3 га газрыг нь шинээр өмчлүүлэх юмаа.