БНСУ-ын Пусан хотод үйл ажиллагаа явуулдаг “Пусан Донгрэ Ротари Клуб”-ийн төлөөлөл 2017 оны 07 дугаар сарын 10-ны өдөр аймгийн Засаг дарга С.Насанбаттай уулзалт хийж байсан. Тус уулзалтын хүрээнд өнгөрсөн 9 дүгээр сард “Пусан Донгрэ Ротари Клуб”-ийн 30-н төлөөлөгч манай аймагт хүрэлцэн ирж ерөнхий боловсролын 1 дүгээр сургуульд 1 сая вонын үнэ бүхий ном, техник хэрэгсэл хандивлах, зорилтот өрхийн харааны бэрхшээлтэй 326 хүүхдэд үзлэг хийж, харааны шил тааруулсан билээ. Харин 2017 оны 11 дүгээр сарын 11-ний өдөр тус клубийн төлөөлөгчид дахин манай аймагт хүрэлцэн ирж судалгааны дагуу үзлэгт хамрагдсан 326 хүүхэд болон иргэдэд харааны шил гардуулан өгсөн байна.